John 19:10-22

¹⁰Wunyil Pilate luku, “Nowaiy inde werentun an? Nowaiy inde nglemin hik atte um mempani, hik atte um nemmani?”

¹¹Werentun il Jesuse nowaiy inde mempani an ungunuk Jehovil nowaiy um piltengwarrin; ngande anangk pempir um, wirrangwarrin itye.

¹²Hikkai kin amb ai Pilate nemmin yan Jesuse: wunyar Jewsar kaikundun luku; Ungunuk inde nemmin ityan nowaiy inde Cesarald ngaitye; ungunuk korn krunkun itye inangk governorowe yarnin itye wirrangwarrin inangk Cesare.

¹³Yaral an kungir Pilate kile yan morokkun Jesuse wunyitye lewin kinanyirungai Judgald lewurmi.

¹⁴Yaral gauwel yarnin ile anangk Jewsar, Nak our yan nomauwe governorowe.

¹⁵Wunyar kaikundun, Crucify ityan, Crucify ityan! Kurrin ile an Pilate, minye, ngate crucifyani ityan nomauwe governorowe? Wunyar werentun Cesar ellin itye ngurnauwe governorowe.

¹⁶Wunyile yan Pilate pempin anangk, hil amb uk ar crucify ityan. Wunyar merokkun ityan Jesuse, waiyin ar ityan.

¹⁷Lammin ile yan naitye crossowe, ngoppun itye Golgothangk.

¹⁸Wunyar nail em ityan Jesuse crossungai al henggun ningkaiengk yam henggun kornenggun, wallin itye Jesuse tarangk henggun.

¹⁹Wunyil Pilate mungaiyulun al yan papowe tungarar luku Jesuse Nazarethald governorowe Jewsan.

²⁰Wunyar ngruwar kornar read em at ityan. Kar crucify al atyan Jesuse tapangk townowe Pilatil mungaiyulun papowe al harnakar neppaldar kaldar, Hebrew, Greek, Latin.

²¹Wunyar priestar Jewsan yarnin al yan Pilate; mekimb inde mungaiyulun ityan ngurnauwe governorowe; mungaiyul our luku, kile krunkun itye inangk governerowe Jewsan.

²²Werentun an Pilate, Yare atte mungaiyulur, atte mungaiyulur.