Johannes 8:48-51

⁴⁸Iwe, ekewe chon Juta ra üreni Jesus, “Ifa usun, esap pwüng äm apasa pwe en eman re Samaria, nge eman anün rochopwak a wänuk?”

⁴⁹Jesus a pölüeniir, “Esap wor eman anün rochopwak a wäniei. Ngang üa asamolu Semei, nge ämi ousap asamoluei.

⁵⁰Ngang üsap püsin kütta ai ling. Nge mi wor eman a kütta ling fän itei, i pwal ewe souapwüng.

⁵¹Enlet ngang üpwe wesewesen ürenikemi: Iö a aleasochisi ai kewe kapas esap fokun mäla.”