Johannes 7:7-11

⁷Chon fanüfan resap tongeni oputakemi, nge ra oputaei, pun üa pwäri ngeniir pwe ar föför a ngau.

⁸Ämi oupwe feila ngeni ewe chulap. Ngang üsap mwo feila, pun esamwo tori ewe fansoun mi fich fän itei.”

⁹Jesus a apasatä ekei kapas o nomola lon Kalilea.

¹⁰Mürin än pwiin kewe feila ren ewe chulap, Jesus a pwal feila. Nge esap feila le pwäpwäla, pwe le monomon chök.

¹¹Iwe, ekewe nöüwisen chon Juta ra kütta Jesus lon ewe chulap. Ra ais, “Ifa i ätewe?”