Jenasis 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Wal iya na ola neim blanga ola biginini blanga Edam. Wen God bin meigim pipul, imbin meigim olabat laik imselp.

²Imbin meigim boiwan en gelwan, en imbin brabli gudbinji blanga dubala, en det seim dei weya imbin meigim dubala, imbin gulum dubala men en wuman.

³Bambai na wen Edam bin olmen 130 yiya ol, imbin abum lilboi neim Seth, en det lilboi bin jis laik im dedi.

⁴Wal Edam bin kipgon abumbat biginini raidap imbin brabli olmen,

⁵en imbin dai wen imbin 930 yiya ol.

⁶Wal Seth bin merrit, en wen imbin olmen 105 yiya ol, imbin abum lilboi neim Inash,

⁷en Seth bin kipgon abumbat biginini raidap imbin brabli olmen,

⁸en imbin dai wen imbin 912 yiya ol.

⁹Wal Inash bin merrit, en wen imbin olmen 90 yiya ol, imbin abum lilboi neim Kenan,

¹⁰en Inash bin kipgon abumbat biginini raidap imbin brabli olmen,

¹¹en imbin dai wen imbin 905 yiya ol.

¹²Wal Kenan bin merrit, en wen imbin olmen 70 yiya ol, imbin abum lilboi neim Mahalalel,

¹³en Kenan bin kipgon abumbat biginini raidap imbin brabli olmen,

¹⁴en imbin dai wen imbin 910 yiya ol.

¹⁵Wal Mahalalel bin merrit, en wen imbin olmen 65 yiya ol, imbin abum lilboi neim Jered,

¹⁶en Mahalalel bin kipgon abumbat biginini raidap imbin brabli olmen,

¹⁷en imbin dai wen imbin 895 yiya ol.

¹⁸Wal Jered bin merrit, en wen imbin olmen 162 yiya ol, imbin abum lilboi neim Inak,

¹⁹en Jered bin kipgon abumbat biginini raidap imbin brabli olmen,

²⁰en imbin dai wen imbin 962 yiya ol.

²¹Wal Inak bin merrit, en wen imbin olmen 65 yiya ol, imbin abum lilboi neim Mathusala,

²²en Inak bin kipgon abumbat biginini raidap imbin olmen. Wal Inak bin bilib langa God brabliwei,

²³en wen imbin 365 yiya ol, God bin deigim im laibala langa top garram im, dumaji Inak bin oldei bulurrum God brabliwei.

²⁵Wal Mathusala bin merrit, en wen imbin olmen 187 yiya ol, imbin abum lilboi neim Leimek,

²⁶en Mathusala bin kipgon abumbat biginini raidap imbin brabli olmen,

²⁷en imbin dai wen imbin 969 yiya ol.

²⁸Wal Leimek bin merrit, en wen imbin olmen 182 yiya ol, imbin abum lilboi,

²⁹en Leimek bin gulum det lilboi neim Nowa, en imbin tok, “YAWEI det trubala God bin meigim dijan graun adwan. Bat main lilboi garra gibit melabat spel brom dumbat adwek.”

³⁰Wal Leimek bin kipgon abumbat biginini raidap imbin brabli olmen,

³¹en imbin dai wen imbin 777 yiya ol.

³²Wal Nowa bin merrit, en wen imbin olmen 500 yiya ol, imbin abum thribala lilboi neim Shem, Hem en Jeifeth.