Israel Hanigo Namba 26:8-28

⁸Te Palugo ogwa te Eliap dao.

⁹Tama te Eliapgo ogwa te e dao, te Nemuel, me Datan, me Abiram. Tama polobadu te we bidigo te Datan me Abiram si tobolu bidi bidimainogo sa muai dao. Tiali goli, augwali si te Moses de Aron si dali hagoma elama, augwali si Kora hani dali taluama, augwali sesego Genuai Bidi dali dwai hagoma kolesaga yali.

¹⁰Tialima, te tǫ tomode si peda pelama, moni dedage nigilama, tama te bidi augwali sese tama te dedageba tulaluama, tama tǫ ma madu selama, augwali mesegelai dao. Augwali te Kora dali tama isali, tama te sogo me te 250 bidi aga wali pali bidi te isigo dolali. Tama te kolesagago te Godigo bomai homu kolesaga mu te we bidi mani, te augwaligo me te dwai kolesaga wali pidali weyu.

¹¹Tiali goli, te Korago ogwa dabe te dolali sogo isai menio.

¹²Te Simeon aga hani meba e tama elaluali, te Nemuel, me Jamin, me Jakin,

¹³me Sera, me Saul dao.

¹⁴Tama te a naga hani deligo da te 22,200 bidi elaluali.

¹⁵Te Gat hani bidi dabe augwa hani meba e tama elaluali, te Sefon, me Hagi, me Suni,

¹⁶me Osni, me Eri,

¹⁷me Arot, me te Areli dao.

¹⁸Tama te a naga olama si hani deligo te 40,500 bidi dabe elaluali.

¹⁹Te Juda hanigo aga hani meba e tama elaluali, Sela, me Peres, me Sera, Hesron me Hamul, Peres te Hesron de Hamul sigo aya dao. Polobadu Judago ogwa si me te Er me Onan si te bulu Kenande isai dao.

²²Te a naga hani deligo te 76,500 bidi dabe tama elaluali.

²³Isakar aga hani meba te tama elaluali, te Tola, me Puva, me Jasup, me Simron. Te Puva aga hani augwa digi augwa nogi te Pun nogi yali.

²⁵Te me si me si hani deligo te 64,300 bidi tama elaluali.

²⁶Te Sebulun hanigo hani meba e tama elaluali, te Seret me Elon me Jalel.

²⁷Te hani selago bidi dabe te 60,500 tama elaluali.

²⁸Te Josepgo hani si elaluali, te Manase me Efraim.