Israel Hanigo Namba 13:3-19

³Mosesgo Genuai Bidigo po odama wali peyu, augwali te Paran bulu kemi sane yai bulude bidiyu, agai te hani tobolu bidi dabe tagala palali.

⁴Augwaligo nogi te e dao: Samua, te Sakurgo ogwa, te Ruben hani dao.

⁵Safat, te Horigo ogwa, te Simeon hani bidi.

⁶Kalep, te Jefunego ogwa, te Juda hani bidi dao.

⁷Igal, te Josepgo ogwa dao, te Isakar hani bidi dao.

⁸Hosia, te Nungo ogwa dao, te Efraim hani bidi dao.

⁹Palti, te Rafugo ogwa dao, aga te Benjamin hani bidi dao.

¹⁰Gadiel, te Sodigo ogwa dao, aga te Sebulun hani bidi dao.

¹¹Gadi, te Susigo ogwa dao, aga te Manase hani bidi dao.

¹²Amiel, te Gemaligo ogwa dao, aga te Dan hani bidi dao.

¹³Setur, te Maikelgo ogwa dao. Aga te Aser hani bidi dao.

¹⁴Nabi, te Vopsigo ogwa dao. Aga te Naptali hani bidi dao.

¹⁵Me Guel, te Makigo ogwa dao, aga te Gat hani bidi dao.

¹⁶Mosesgo te hani tobolu bidi dabe te Kenan bulu tǫ sese sa sugi pomainu tagala palali. Tama agai te Hosia te Nungo ogwago nogi hasegelali. Tama agai aga te Josua poali.

¹⁷Te Moses agai augwali tagala palainu, agai augwalibolo e tiwai po walali, “Dage pelama, te distrik Negev ela pelama, ugwadu bulu du dabeba piąo.

¹⁸Dagego bugagia suiąo, tama dagego koneiąo, te mena tiwai bulu yaliwe koneagameo. Tama dagego suiąo, mena tama we bidi te bulude bidibawe weyu suiąo, te augwali bomai hani yaliwe, ma meni yaliwe, suiawe?

¹⁹Tama me dagego bugagia mu suiąo, te bulu tǫ te dwai yaliwe, ma wiegi yai yaliwe suiąo. Te we bidi te bomai obo tomode bidibowe, ma olo obo meni yai hanude bidibowe, suao.