Isirayila Mangɛe II 12:14-21 in Susu

¹⁴ Kɔnɔ na kɔbiri mu nu rawalima se sase gbeti daaxie, finɛe, paanie nun sarae yailanfe ra Alatala xa banxi xa fe ra.

¹⁵ A nu soma banxi rawalie nan yi ra, alako e xa Alatala xa banxi yire kanaxie gbansan yailan.

¹⁶ E mu nu na kɔbiri rawali ki maxɔrinma banxi rawalie ma, barima e nu tinxin na fe kui.

¹⁷ Kɔbiri naxan nu soma yɛtɛ ragbilen sɛrɛxɛe ra nun yunubi xafari sɛrɛxɛe ra, na mu nu sama na kankira kui Alatala xa banxi kui. A nu soma sɛrɛxɛdubɛe nan yi ra.

¹⁸ Na tɛmui, Arami mangɛ Xasayeli naxa siga Gati gerede. A to nɔ a ra, a naxa wa Darisalamu fan gerefe.

¹⁹ Yudaya mangɛ Yowasi naxa xɛɛma birin ba Alatala xa banxi naafuli ragatade kui, a benba Yudaya mangɛe Yehosafati, Yehorami, nun Axasiya naxan fi Alatala xa hɔrɔmɔbanxi ma, a nun e naxan sa Yudaya mangɛ xa banxi kui, a fa na birin nasanba Arami mangɛ Xasayeli ma. Na naxa a niya a xa gbilen Darisalamu gerefe fɔxɔ ra.

²⁰ Mangɛ Yowasi xa taruxui dɔnxɔɛ sɛbɛxi Yudaya mangɛe xa taruxui kui.

²¹ A raɲɔnyi a xa mixie naxa a yanfa, e a faxa Beti Milo, Sila mabiri.

¹⁴ كْنْ نَ كْبِرِ مُ نُ رَوَلِمَ سٍ سَسٍ فبٍتِ دَاشِيٍ، قِنّيٍ، ثَانِيٍ نُن سَرَيٍ يَءِلَنقٍ رَ عَلَتَلَ شَ بَنشِ شَ قٍ رَ.

¹⁵ عَ نُ سٌمَ بَنشِ رَوَلِيٍ نَن يِ رَ، عَلَكٌ عٍ شَ عَلَتَلَ شَ بَنشِ يِرٍ كَنَشِيٍ فبَنسَن يَءِلَن.

¹⁶ عٍ مُ نُ نَ كْبِرِ رَوَلِ كِ مَشْرِنمَ بَنشِ رَوَلِيٍ مَ، بَرِ مَ عٍ نُ تِنشِن نَ قٍ كُي.

¹⁷ كْبِرِ نَشَن نُ سٌمَ يّتّ رَفبِلٍن سّرّشّيٍ رَ نُن يُنُبِ شَقَرِ سّرّشّيٍ رَ، نَ مُ نُ سَمَ نَ كَنكِرَ كُي عَلَتَلَ شَ بَنشِ كُي. عَ نُ سٌمَ سّرّشّدُبّيٍ نَن يِ رَ.

¹⁸ نَ تّمُي، عَرَ مِ مَنفّ شَسَيٍلِ نَشَ سِفَ فَتِ فٍرٍدٍ. عَ تٌ نْ عَ رَ، عَ نَشَ وَ دَرِ سَلَمُ قَن فٍرٍقٍ.

¹⁹ يُدَيَ مَنفّ يٌوَ سِ نَشَ شّيمَ بِرِن بَ عَلَتَلَ شَ بَنشِ نَاقُلِ رَفَتَدٍ كُي، عَ بٍنبَ يُدَيَ مَنفّيٍ يٍهٌسَقَتِ، يٍهٌرَ مِ، نُن عَشَسِيَ نَشَن قِ عَلَتَلَ شَ هْرْ مْبَنشِ مَ، عَ نُن عٍ نَشَن سَ يُدَيَ مَنفّ شَ بَنشِ كُي، عَ قَ نَ بِرِن نَسَنبَ عَرَ مِ مَنفّ شَسَيٍلِ مَ. نَ نَشَ عَ نِيَ عَ شَ فبِلٍن دَرِ سَلَمُ فٍرٍقٍ قْشْ رَ.

²⁰ مَنفّ يٌوَ سِ شَ تَرُشُي دْنشْي سّبّشِ يُدَيَ مَنفّيٍ شَ تَرُشُي كُي.

²¹ عَ رَحْنيِ عَ شَ مِشِيٍ نَشَ عَ يَنقَ، عٍ عَ قَشَ بٍتِ مِلٌ، سِلَ مَبِرِ.