Iosua 21:3-36

³Lakea e huriki a Israel ri ramaia a nitane BAKOVI DAGI, ri habi a maka tanga, a malala na kabu ne Levi.

⁴A maka kabu ri rehi na rihiva na satu, ri bole a malala ne ria. E huriki a Levi, ra hamone Aron a prister, na kabu ne Kohat, ri bole muga ne ria. Ni habi ne ria a tanga i ravulu a polona i tolu, pololilo na malala na kabu ne Iuda, ne Simion, ne Bensamin.

⁵E huriki a Kohat ranga ri bole a tanga i ravulu na malala na kabu ne Epraim, ne Dan, na kalavana kabu ne Manase.

⁶A kabu ne Gerson i bole a tanga i ravulu a polona i tolu i tabuli pololilo na malala na kabu ne Isikar, ne Aser, ne Naptali, a kalavana kabu ne Manase ri made na robo e Basan.

⁷A kabu ne Merari ri bole a tanga i ravulu a polona i rua pololilo na malala na kabu ne Reuben, ne Gad, ne Sebulun.

⁸E huriki a Israel ri ramaia a ngava ne BAKOVI DAGI i habia ne Moses, ri rehi na satu, ri vulaki a maka tanga ri habi na kabu ne Levi. Ra tanga nga ri tahoka a tabekena malala i tabuli tabukoi ne ria, ne vona ni vakani a bulmakau a sipsip.

⁹A maka tanga ri tabuli na malala na kabu ne Iuda ne Simion,

¹⁰e huriki a Kohat, a hamone Aron, ri bole pali. E huriki a Israel ri rehi na satu ri vulaki muga a tanga nga, ri habi ne huriki a Kohat.

¹¹Ri habia ne ria e Kiriat-Araba re Hebron. E Arba e tamane Anak. A tanga e Hebron i pesi na kupona malala na kabu ne Iuda. Ri habia ne huriki a hamone Aron ra tanga iea, turana a malala i tabuli haluia, ne vona ni vakalaho a maka bulmakau a sipsip ne ria vona.

¹²Pali a malala ni ratana hania turana a maka tanga kiroko ri tabukoi na tanga, ni habi pali ne Keleb, e tune Iepune, ne vona a kabu vona.

¹³Ri habia ne huriki a hamone Aron a tanga e Hebron, (a tanga i kapiloho vona a bakovi i rabalaki a viri). Ri habi tabu ne ria e Lipna,

¹⁴e Iatir, e Estemoa,

¹⁵e Holon, e Debir,

¹⁶e Ain, e Iuta, e Bet-Semes. Ra tanga nga ri pesi na malala na kabu ne Iuda, ne Simion. Ri tahoka a maka tabekena malala ri tabuli tabukoi ne ria, ne vona ni vakalaho a maka bulmakau a sipsip. Ri bole a tanga i polova na kabu ne Iuda, ne Simion.

¹⁷A kabu ne Bensamin i habi a tanga ne ria: e Gibeon, e Geba,

¹⁸e Anatot, e Almon. Ra tanga i va nga, ri tahoka a maka tabekena malala ri tabuli tabukoi ne ria, ne vona ni vakalaho a bulmakau a sipsip.

¹⁹E huriki a hamone Aron, re huriki a prister ri bole a tanga i ravulu a polona i tolu. Ra tanga nga, ri tahoka a maka tabekena malala ri tabuli tabukoi ne ria ne vona ni vakalaho a maka bulmakau a sipsip.

²⁰E huriki a Kohat ranga na kabu ne Levi, ri bole a tanga, a malala na kabu ne Epraim.

²¹Ri habi a tanga ne ria: e Sekem (a tanga i kapiloho vona a bakovi i rabalaki a viri) i pesi na kupona malala na kabu ne Epraim, ne Geser,

²²ne Kipsaim, ne Bet-Horon. Ra tanga i va nga, ri tahoka a maka tabekena malala ne vona ni vakalaho a maka bulmakau a sipsip.

²³A kabu ne Dan i habi ne huriki a Kohan a tanga ne ria: e Elteke, e Gibeton,

²⁴e Aialon, e Gat-Rimon. Ra tanga i va nga, ri tahoka a maka tabekena malala ri tabuli tabukoi ne ria, ne vona ni vakani a maka bulmakau a sipsip.

²⁵Ri habi ne huriki a kalavana kabu ne Manase a tanga i rua: e Tanak, e Gat-Rimon. Ra tanga nga, ru tahoka a tabekena malala, i tabuli tabukoi ne rua, ne vona ni vakalaho a bulmakau a sipsip.

²⁶E huriki a Kohat ri bole a tanga i ravulu. Ra tanga nga ri tahoka a tabekena malala i tabuli tabukoi ne ria, ne vona ni vakalaho a maka bulmakau a sipsip.

²⁷A hamone Levi ranga, re huriki a Gerson. A kabu ne Manase i habi ne ria a tanga i rua: e Golan (a tanga i ha, i kapiloho vona a bakovi i rabalaki a viri) na tabeke e Basan, e Bestera. Ra tanga nga, ru tahoka a tabekena malala i tabuli tabukoi ne rua ne vona ni vakalaho a bulmakau a sipsip.

²⁸A kabu ne Isikar i habi ne huriki a Gerson a tanga nga: e Kision, e Daberat,

²⁹e Iarmut, e En-Ganim. Ra tanga i va nga, ri tahoka a tabekena malala ri tabuli tabukoi ne ria, ne vona ni vakalaho a maka bulmakau a sipsip.

³⁰A kabu ne Aser i habi ne huriki a Gerson a tanga: e Misal, e Abdon,

³¹e Helkat, e Rehob. Ra tanga i va nga, ri tahoka a maka tabekena malala ri tabuli tabukoi ne ria, ne vona ni vakalaho a maka bulmakau a sipsip.

³²A kabu ne Naptali i habi ne huriki a Gerson a tanga i tolu: e Kedes (a tanga i ha, i kapiloho vona a bakovi i rabalaki a viri) i pesi na tabeke ne Galili, e Hamot-Dor, e Kartan. Ra tanga nga, to tahoka a maka tabekena malala i tabuli tabukoi ne tou, ne vona ni vakalaho a maka bulmakau a sipsip.

³³E huriki a Gerson ri bole a tanga i ravulu a polona i tolu. Ra tanga nga, ri tahoka a maka tabekena malala ri tabuli tabukoi ne ria, ne vona ni vakalaho a bulmakau a sipsip.

³⁴E huriki a Merari, ria ranga a hamone Levi. A kabu ne Sebulun i habi ne ria a tanga nga: e Iokneam, e Karta,

³⁵e Dimna, e Nahala. Ra tanga i va nga, ri tahoka a maka tabekena malala ri tabuli tabukoi ne ria, ne vona ni vakalaho a bulmakau a sipsip.

³⁶A kabu ne Reuben ri habi ne huriki a Merari a tanga nga: e Beser, e Iahas,