44Sota me pan kak ko dong ia, ma Sam, me kadar ia dor, sota kainongido i. A I pan kamaureda i ni ran nik o.
45A intingidier nan saukop akan: Irail karos pan ale padak sang ren Kot. Amen amen me rongadar o padakki ren Sam, kin ko dong ia.
46Ari, kaidin pweki meamen kilang Sam; i eta, me kodo sang ren Kot, i me kilanger Sam.
47Melel, melel I indai ong komail, me poson ia, iei me aneki maur soutuk.
48Prot en maur ngai.
49Sam omail oko, me kangala mana nan sap tan o, ir ari melar.