44Cachamaj Taytä mana camacächiptenga pipis quiquillanpitaga manami nogaman shamunmanchu. Paycunataga noganami fisyu junaj cawarachimushaj.
45Juc profëta isquirbishanchöpis niycan: ‹Tayta Diosmi llapan runacunata tantiyachenga› nir. Chaymi Tayta Dios tantiyachishanta alli chasquicoj cajlla nogatapis chasquicaman.
46«Tayta Diostaga manami pipis ricashachu. Pay cajpita shamojllami ricasha.
47Chay shamojman pipis yäracöga mana ushacaj cawaytami tarenga.
48Nogami cawachicoj tantaga caycä.
49Unay awiluyquicunaga chunyajcho manäta micusha carpis wañushami.
San Juan 6
San Juan 6:44-49