Im̃auano Nalo 14:4-8

⁴Mia tomu nalo na komeli nei nalo aburuburelo ea taara juo naruei, napano tealo amijakar kulo Ju nalo, mia nalo tealo amijakar atevi juo neibano.

⁵Tivelinio juo nei ajum̃a amila baravo kalo jibe na, ban bano-o mia kulo Ju nalo naliko kulo dolu nalo napano maka lele tiniel tii namoneano nalo neibano, bija bunu kanalo tomu na tortoru tealo, nalo naruei aber kakar ka mia atuk atevi nalo nei a atuba binvinlo am̃arm̃aro.

⁶Mia atevi juo neibano nalo amijog vite nei, ana amial aber bo kanio avuro den vio nei, ka ava aje jogvuiano ea vio tai. Jibe ga na, nalo ajumolu den vio nei, aban ea tanobuku dolu na vio Likonia, ana nalo aba aberial Ioluano Vou na bo ea tanobuku na vio na, bija sano komeli nene juo, napano sialo jibe nei, Listra bija Tebe.

⁸Naruei ea m̃arkomeli na yako Listra, bogo tai ana Pol naio jom̃a mioliolu ban tomu nalo, mia toro tai be javuluku naio jom̃a jojo tano, jom̃a miagago ka Pol. Toro nei jikar ea bogo napano naio moluo, naio maka leleio riel bogo tai, bior jaano be juo abuluk. Naruei Pol mial ka toro nei jom̃a miagago batitigio ka naio, a mijog lubar ka toro javuluk nei naio jo monea Yesu ka mia naio mijikia rila vatitig jaano ve juo. Naruei Pol bitii kilkil eaio,