Ihi 88:10-15

¹⁰Mpo, qutu vuaka are nora kaiqa vare vainara hoe tavevarave? Vika hoe himpi ai autu tuahera kevarave?

¹¹Qutu vuaka varianaini variaka ai muntukavano vai okarara hoe vaiinti nahenti tiva nimivarave? Vehi autuvi taiqa vuanaini variaka, vikae ariara noraiqaake iriqi vi variavo?

¹²Voqama kero konkira ari vainaini variaka, vikae are nora kaiqa vare varianarara nai tiva ami nai tiva amivarave? Avu aato qumimaqama keha varianaini variaka, vika hoe are avuqavuqama kera ni varianarara tivaqi vivarave?

¹³Noravauvo, vika kia ho mintiaveravata, te ai aareha ti kahaqiane ti vaunarave. Vo enta vo enta toqaqi te mintima keha ai aare vaunara.

¹⁴Mpo Noravauvo, te minti vauraravata, nantiharae are ti qoririma kera kukeqavira variaro?

¹⁵Te qaraaka vaiinti vauna entaraqaahairo vo haika vo haikavano ti qoraiqama timitaqiro ani vaira kaara te qutu vuarirava aumanto vaimantama vauro. Are qaiqaa qaiqaa ti ruquti variararo ti kempuka taiqa vimantama vauro.