Ihi 51:9-15

⁹Are nena viri tuqantaakera, kia te qora kaiqa varaunara tavaane. Te ekaa ai uva, vo uva vo uva raqakaunara nunka timitaane.

¹⁰Mpo Kotio, qaraaka muntuka, takuqiro vainara ti autu timitaane. Ti maraqura qaraakaiqama timitairaqe te ariaraqai noraiqaake iriqi vuare.

¹¹Mpo, kia nena aaqantohaira ti tititama kaane. Kia nena Maraqura takuqi vaira tiqihaira qaqini vara kaane.

¹²Haaru are ti ruaruama timitaaramanta te quaheha vaunarave. Ho are ti qaqi kairaqe te haaru vaunantemake, vatevata qaiqaa quaheha variare. Are ti kahaqiraro ti maraquravano ai uva iriqi vuataa iraqe iriqi vuare.

¹³Are mintiraqe te ai uva raqake variaka kahaqiha, ai koqe okara, vo okara vo okara numiqaqi vuari vika tuqantaavi orurante ai aaraqaa aniate.

¹⁴Are ti ruaruama timite variaravara tira, te vaiinti arukauna uvava tiqaa vaira qaqini vara kaane. Are mintiraqe te ai avuqavu okarara iriha tenta noqihai ihi tivaqi vuare.

¹⁵Noravauvo, are ti maaqiri kahaqi vairaqe te tenta noqihai ai autu tuaheraqi vuare.