Ihi 51:15-19

¹⁵Noravauvo, are ti maaqiri kahaqi vairaqe te tenta noqihai ai autu tuaheraqi vuare.

¹⁶Quara aantau aruke iha quara amite ofaarara ai antuqavano vaitirio, te quara aantau ai iha quara amitauraitirio. Ekaa kaintu ai iha quara amite ofaarara kia are quahe varianarave.

¹⁷Te mpo ike tiha, kia qora kaiqa varaataarave tivakeha, ai vevaarainiqamake variaina ofaara, virarama ai antuqavano vaivo. Te vi ofaara ai amitaarirara are kia virara nunurama timitenara.

¹⁸Mpo Kotio, are Saioni vatuka quahama amitairamanta viraqi variaka koqemake variqi vuate. Are vika kahaqiramanta vika qaiqaa Ieruharemi vaantaavura autuate.

¹⁹Are mintima kera vika kahaqiramanta vika naitaramake ai ofaa iha quara amiterave, ekaara kaintu ofaa iha quara amiterave, vira tavehara quahenarave. Vi entara vika purumakau qora vonavu ai ofaa taintaqaa iha quara amitevarave.