Ihi 29:8-11

⁸Viva uva tivaro aahara vataini vai vatava, ekaa qakaa qakaa i vaira. Viva Kadesini Aahara vata qaki qakima kaira.

⁹Noravano Kotiva uva tivaro vira uvavano nantaqi nora katari, vo katari vo katari rare raarerama kaimanta ekaa katari mare ratutu vuara. Minti vaimanta Kotira Naavuqi ruvaaqumavi variaka naverai tiha, Kotira mpeqa okaravano takuqi vaivo, tiara.

¹⁰Noravano Kotiva nai avuhainaa taintaqaa oquviro vaiharo nora namariqaa raqiki vairave. Noravano Kotiva Avuhainaava ekaa enta ekaa enta raqikiqiro vuanarove.

¹¹Noravano Kotiva nai vaiinti nahenti kempukaiqama nimite vairave. Noravano Kotiva nai vaiinti nahenti koqema nimite vaivaro vika muntukaqihairo paru i vaimanta variarave.