Ihi 29:1-7

¹Ne naaruvaihainaaka Nora Kotira autu tuaheraate. Vira kempukaravata, vira mpeqa okaravano takuqiro vairaravata, irihama ne vira autu tuaheraate.

²Vira nora autuvano takuqiro vaira tuahera amitaate. Noravano Kotiva koqe kaiqaqai vare vaiva nai turuaraini takuqinaini vairara irihama, ne kankakaavi vaiha vira quahama amitaate.

³Noravano Kotiva uva tivaro vira uvavano oru vimanta nora namariqaa vi ani variaka ekaa vira uva iri variara. Variqavano takuqiro vaiva naaruvavano uva tintema kero, viva uva ti vaiva nora namari vaura oru vi vaira.

⁴Noravano Kotiva uva tivaro vira uvavano kempukaiqaakero uva ti vairara ti, vaiinti nahenti vira uva iriha qete variara.

⁵Noravano Kotiva uva tivaro vira uvavano Lebanonini vai sidaa katarira, vo katari vo katari rauhaantima kaimanta ekaa raqa raaqama vuara.

⁶Viva uva tivaro purumakau naativano ravukuvi ravukuvi intemakero, Lebanoni vataini vai aiqinava, vo aiqina vo aiqinavano qakaa qakaa i vaira. Viva uva tivaro purumakau naati qoravano ravukuvi ravukuvi intema kero, Hemoni Aiqinavano voqama kero qakaa qakaa i vaira.

⁷Noravano Kotiva uva tivaro vira uvavano aaquakaa qovarama kaivaro uti vaira.