Ihi 20:2-5

²Kairaro Saioni Aiqinaqaa Nora Naavuqi vaiva, viva ai kahaqiharo kempukaiqama amitaarire.

³Kairaro viva are vo ofaa vo ofaa vira amite varianara, kia tauru karaitiro, viva are vo ofaa vo ofaa iha quara amitaanara viraravata ai quahama amitaarire.

⁴Kairaro ai muntukavano vaina haikara viva ai amiro, are nana kaiqa varareva aatoqi iritenara viravata ai amiarire. ˻Te ai avuhainaarara irihama Kotira aarama amitauro.˼

⁵Kotiva mintima kero ai kahaqirara are iqoka raquqira vihara nena navutaaka naatara kena entara, vi entaraqaa tenavu ai hampata vaiha voqamake quaheha naverai tivaqi viha Kotira autu tuaheraqi virerave. Mpo, kairaro Noravano Kotiva are vira aarehara tina uvara ekaa iriarire.