Ihi 148:3-9

³Kuarivauvo, toravauvo, netanta vira autu tuahera kaate. Ekaa opu makau virini ite variaka vira autu tuahera kaate.

⁴Nai verantoqama kera variana naaruvava, are vira autu tuahera kaane. Tonavu turuqaa variara namariva, arevata vira autu tuahera kaane.

⁵Noravano Kotiva tivaro ekaa vi haikava vi haikava qovaraiqama vuarara tiro, ekaa vi haikava vi haikava vira autu tuahera kaate.

⁶Noravano Kotiva timanta viva tintemake vika nái nimi vatukaraqaa vaiha, kia vira uva raqake hampi vi aniraiti, ekaa enta nái nimiraqaa variqi vivara.

⁷Ne ekaa haikavano vataqaa variaka, Nora Kotira autu tuahera kaate. Nora haikavano nora namariqi variakave, namari veva muntukaraqi variakave, ˻ne Nora Kotira autu tuahera kaate.˼

⁸Aaquakaavanove, taaruvanove/kaampuravanove, toqa vaururuvanove, tonavuvanove, vira uva iri vai aaronaa uvaivave, ˻ne ekaa Nora Kotira autu tuahera kaate.˼

⁹Nora aiqinave, inaara aiqinave, tava ire varia katarikave, nantaqi vai katarikave,