9Kia ti navutaaka qaqi kairamanta vika iqoka raqiha ti haatara kaate. Oho, are qaqi kairaro vika ti qoraiqama timitareka tivate uvava náiqaa qovarama vuarire.
10Are iha auru tuta kairaro vikaqaa hiqinti hiqinti iharo tatoqa taiqa kaarire. Are vika ruvuqi/mpumpiqi vara vaavi aqukaira vika kia ho qaiqaa viraqihai vaarintaate.
11Vo vaiinti autuvano vataini tuvi vuarire ti, una uva ti variaka, are kia vika qaqi kaira maa vataraqaa koqemake variqi vuate. Oho, qaqi kairaro qora haikavano qovarama viro, voqamake nái kena vaiinti ruquti variaka vehi autu taiqa kaarire.
12Noravauvo, te kankomake iri tavaunara. Are vehi vaiinti nahenti auta ntuva nimitehara vika kahaqi variaravama variaro. Vo haika vo haikara aavoqiaka qoraiqama nimitevorave tira, are vika kahaqama nimite variaravama variaro.
13Avuqavu ni variaka ai autu tuahereha vika ai aaqanto ekaa entama variqi vivaravema turo.
Ihi 140
Ihi 140:9-13