Ihi 139:4-9

⁴Noravauvo, te tirera una uvara, are naane vaaka irikaanara.

⁵Are ti avunive, tauvaqainive, taaqenive, ekaa mini mini ututuma taanara. Are nena kempukaqohaira ti antua timite varianara.

⁶Are mintima kehara ti okara kankoma kera iri tavaanarara ti, te tiha, Mpo, ai avu aatovano uritarero vaivaro ti avu aatovano ai avu aatoqi vainara kia ho iri tavaanarove, turo.

⁷Mpo, te tainie vuariraro ai Maraquravano kia ti tavaanaro? Te tainie ruqemake vihae kia ai avuqaa vairara?

⁸Are naaruvaini varianarara ti, te qumina mini ruqemake vuarora. Are qutu vuaka varianainivata varianarara ti, te kia ho mini otu kukeqavi vairara.

⁹Te niaraini kuari avu urinaini ata vare oru variarera, ai kauquvano minivata homa ti tuataanaro. Te kuari avu ruhunku vinaini oru variarera, minivata ai kauquvano ti utuma varaanaro.