Ihi 135:2-12

²Ne Kotira Naavuqi Kotira kaiqa vara amite variakavata, ne vira Naavu vahaaqaini vaiha vira kaiqa vara amite variakavata, ne ekaa vira autu tuahera kaate.

³Nora Kotira okaravano koqe okaraqai vairara ti, ne vira autu tuahera kaate. Vira autuvano koqe autu vairara ti, ne virara ihi tivaqi viha vira autu tuahera kaate.

⁴Noravano tinavu kaivaqara Iekopira anku vika nai kaama tero tiharo, Isareri vika ti anku tarukama vaivarave, tira.

⁵Te maa uvara kankomake irunara: Noravano Kotiva nai noravano vaiharora tiro, viva ekaa ˻una˼ variqa uri aatarakero vairave.

⁶Noravano Kotiva nana nana haika autuataa ivaro viva naaruvainive, vataqaave, nora namariqive, nora namari veva muntukaraqive, auti vaira.

⁷Viva tonavu vara kaivaro tonavuvano vo vata vo vataihairo virini oru vi vaira. Viva aaquakaa vara kaivaro aaquakaavano uti vaivaro aaqu nti vaira. Viva uvai vara kaivaro uvaivano maa vataraqaa utiharo vi ani vaira.

⁸Viva Isipi vatanaaka qorainti vainti kara hunka vatataakave, quara vairi avuni vatataakave, ekaa arukaira.

⁹Viva Isipini Pero vaiintivata vira nora vaiintinavuvata qoraiqama nimitareva iharo, nora kaiqa, vo qara vo qara i kaiqara qovarama keharo vika qoraiqama nimitaira.

¹⁰Ike, Noravano Kotiva airi vatanaaka qoraiqama nimiteharo avuhainaa vaiinti kempuka vataaka vikavata arukaira.

¹¹Viva Amo vatanaaka King Sihonira arukero, Basaani vatanaaka King Okura arukero, ekaa Kenaani vatanaaka avuhainaukavata aru taiqa kaira.

¹²Viva vika aru taiqa kero, vika vata varakero nai vaiinti nahenti Isareri nimira.