Ihi 130:2-6

²Mpo Noravauvo, te ai aare vauna uvara iriane. Te ariara ti aaqurihama timitaane ti vauna uvara irihara ti kahaqiane.

³Mpo Noravauvo, tenavu ai uva raqa kaunara are kia tauru karaitira, ekaa vi uvara nena vukuqi qara ntuva taaraitirio, nai tavave tinavuqihairo ai ko ho aatara kaitirio?

⁴Areqai vaiinti nahenti uva nunka nimite variarava varianarara ti, tenavu ai aatu qeteha variqi vireravema turo.

⁵Noravano Kotiva ti kahaqiarire ti, te vira vekama vauro. Te viva tiva tai uvarara noraiqaake iriha mintima ti: Quqaama viva nai tintemakero autuanarove turo.

⁶Noravano ti kahaqiarire ti, te vira vekama vauro. Vatukaqaa maimaraara raqiki variaka entaqi vaiha tiha, Mpo, vaaka aatitaarire tiantemake, tevata Nora Kotira veka vaiha tiha, Mpo, viva vaaka tuvu ti kahaqiarire. Qaiqaavata tiha, Mpo, viva vaaka tuvu ti kahaqiarire, ti vaunara.