14Orait em i tokim ol olsem, “Samting bilong kaikai i kamap long wanpela samting i save kaikai. Switpela samting i kamap long wanpela samting i gat strong.” Tripela de i go pinis tasol ol i no save long as bilong dispela tok bokis.
15Orait na long de namba 7 ol i tokim meri bilong Samson olsem, “Yu grisim man bilong yu bai em i tokim mipela long as bilong dispela tok bokis. Sapos nogat, bai mipela i kukim yu wantaim ol lain bilong yu long paia. Yutupela i singautim mipela i kam bilong stilim ol samting bilong mipela, a?”