18Ie maraiñeno fɨnoca rafuemona ucubena feiñua mei, ie comecɨ iuaina meiduanona, naie ucubena oni judaɨde. Judíuaɨ illaɨcomɨnɨ naie ucube dɨga enɨruena ɨbadɨmacɨ. Nainomo Judas mɨcorɨ ie cɨmaɨo cuinajanona, ie abɨna dama meinete. Rɨfaillamona, ana uaillamona, ie jebegɨ boficaillamona, nana ie jebegɨ jino uaide.
19Nana Jerusalémo itɨno iena fɨdɨdɨmacɨ. Ie jira caɨ uaido naie enɨrue mamecɨrede Acéldama. Oni dobaiñuamona dɨrue toillanɨe.
20Ero, Salmos rabenicomo Judas mɨcorɨna iese David mɨcorɨ jaie cuega: Naimɨe illano taɨno iite. Buna jaca iemo iñeite. Naimɨe maɨjɨlle jɨaɨmɨemo iite. Iese cuega.
21Ie jira caɨ dɨga itɨnomona damɨena fetoitɨcaɨ. Caɨ Nama Jesús caɨ dɨga illa facaiseconi, nagarui dɨga ɨiñɨaɨ caɨ dɨga jaisoidɨmacɨ. Juan Bautista mɨcorɨ Jesúna bautizaja facaisemona, Jesús monamo caɨmona jaillarui facaiseconi, naimacɨ caɨ dɨga jɨaɨ itɨmacɨ. Naimacɨmona damɨena fetoitɨcaɨ, Jesús jilluana caɨ dɨga llollena. —Iese Pedro raite.
Hechos de los Apóstoles 1
Hechos de los Apóstoles 1:18-21