18Sene Judas re Jisas rene pem tame remne kwobo lam, re tokwo poten eter tokwo re sel wuri tupam. Sene re etek waren resboren reri kiybu buwen re ek sam.
19Yuri Jerusalemri tatame rem Judas reri sam tuma metkeipem, eker rem er sel sig Akeldama webo. Sel sigri tobo et Nepkene Sel.
20Sene Pita re op wem. Er tuma et Buk Songke tetane. Buk Song op webo. Reri ake bupo me tete. Tame wuri etek be tete. (Buk Song 69:25) Er siglow kirkir op webo. Agerbo tame re reri yaku potte.
21Opkap nem agerbo tame rene lebate, re Judas eterri emi potte. Jisas eterkene neremkene sewurbem tame wuri, rene nem lebate.
Aposel 1
Aposel 1:18-21