12Kuma kꞌu ri e taqoꞌn re ri Cristo, ukꞌiyal kꞌutubꞌal re ruchuqꞌabꞌ ri Dios y nimaq taq chak katajin rilik chikiwach taq ri tikawex. Yey taq ri kikojom rubꞌiꞌ ri Cristo, lik xa jun kikꞌuꞌx kakimol kibꞌ pa ri luwar kabꞌiꞌx che “Ruchiꞌ Ja re Salomón”.
13E taq kꞌu ri kꞌamajaꞌ kakikoj rubꞌiꞌ ri Cristo, kakixiꞌij kibꞌ kakijunimaj kibꞌ kukꞌ, tobꞌ konoje ri tikawex lik kakiyak kiqꞌij.
14Y katajin kꞌu kikꞌiyarik ri kikojom rubꞌiꞌ ri Qanimajawal, waꞌ e ukꞌiyal achijabꞌ y ukꞌiyal ixoqibꞌ.
15Ruma taq kꞌu ri kꞌutubꞌal re ruchuqꞌabꞌ ri Dios kakiꞌan rutaqoꞌn ri Jesús, taq ri winaq kekesaj taq ne lo ri e yewaꞌibꞌ pa taq ri bꞌe. Ekiyaꞌom chwa chꞌat y chwa pop, chaꞌ we xikꞌow ri Pedro, tobꞌ xew luꞌmuꞌj katzaq pakiwiꞌ, kekunutaj kꞌu riꞌ.
Hechos 5
Hechos 5:12-15