Text copied!
CopyCompare
In yancuic mononotzalistli ica Totecohtzin Jesucristo - HECHOS - HECHOS 16

HECHOS 16:23-34

Help us?
Click on verse(s) to share them!
23Ihcuac yoquinuihhuitejque tequin, oquitequiutihque maquinixpiyacan yec.
24Ihcuac oquicac inon tlanahuatili, in tlixpixqui oquincalaqui ocachi ompic tlahtec ipan in telpiloyan. Huan oquinxoilpihque yec ipan in cuartones.
25Huan ic tlahcoyohuac in Pablo huan Silas omoyolmachtihtoyahque huan ocuihcuicatoyahque teca in Dios. Huan in oc sequin aquin ompa tzactoque oquincacticatcahque.
26Huan san tlama ohualuehueyocatehuac chicahuac huan oquitzetzelo in tepamitl den telpiloyan. Huan niman omotlapohque in puertas huan otlacahcauque in cadenas ipan inohque aquin tzactohque.
27In tlixpixqui oihsatehuac, huan oquitac in puertas den telpiloyan nochin tlapoutoque. Oquiquixti in espada ic momictini, tleca oquinehnehuili yocholohque in motzacuanimen.
28Huan Pablo oquitzahtzili: ―Ahmo tlen ximochihuili, tinochten ticaten nican.
29Oncan in tlixpixque oquitlahtlan in tletl, huan ocalac niman. Huan huehueyocatiu ica moucayotl, omotlamotlac icxitla in Pablo huan Silas.
30Huan niman oquinquixti huan oquintlahtlani: ―Tlacatzitzin, ¿tlen nicchihuas ic nimaquisas?
31Huan yehhuan oquinanquilihque: ―Xiteneltoca in Totecohtzin Jesucristo huan timaquisas, tehhuatl ihuan mochanihcahuan.
32Huan oquinnonotzque itlahtoltzin Totecohtzin inuan nochin in ichanihcahuan.
33Huan inon tlayohua in tlixpixqui oquimpaquili canin omoxoxoleuque. Oncan yehhuatl inuan in ichanihcahuan oquincuatequihque.
34Satepa oquinuicac ichan huan oquintlamacac. Huan yehhuatl huan in ichanihcahuan molui opactoyahque ic oteneltocaque in Dios.

Read HECHOS 16HECHOS 16
Compare HECHOS 16:23-34HECHOS 16:23-34