32Judaswan Silaspis profëta cashpanmi tucuynöpa willapar sumaj shacyächiran.
33Chaypita unayllataga carta apajcuna Jerusalenman cuticuran. Aywacuptin «allilla chayaycärinqui» nir despacharan.
34Silasmi ichanga «quëdashäraj» nir quëdacuran.
35Pabluwan Bernabëpis jinan Antioquiallacho goyaran waquin ermänucunawan alli willacuyta willacur.
36Chaypita unayllataga Bernabëta Pablo niran: «Alli willacuyta willacushanchi marcacunapa mushoj ermänucunata watucamushun. Paycuna mä imanöshi goyarcaycan.»
37Bernabëga Marcos nishan Juanta pushayta munaran.