25Jo̱baꞌ nɨcasɨɨ˜naaꞌ røøˋ lajaléꞌˋnaaꞌ la e nɨcaꞌneáangˆnaaꞌ jaangˋ gángˉ dseaˋ lajeeˇ laꞌóꞌˋ jneaꞌˆ e nidsilíiñˉ nidsiꞌeer˜ ꞌnʉ́ꞌˋ fɨˊ na. Jo̱ nijalíiñˉ co̱lɨɨng˜ có̱o̱ꞌ˜ i̱ dseaˋ rúꞌˋnaaꞌ i̱ ꞌneáangˋnaaꞌ eáangˊ i̱ siiˋ Paaˉ có̱o̱ꞌ˜guɨ i̱ siiˋ Bernabé, gángˉ dseaˋ rúꞌˋnaaꞌ i̱ jiʉ˜ jaˋ mɨˊ cajngaꞌˊ dseaˋ quiáꞌrˉ uíiꞌ˜ e guiarˊ júuˆ quiáꞌˉ Fíiˋnaaꞌ Dseaˋ Jmáangˉ.
27Jo̱ nisíingˋnaaꞌ fɨˊ na cajo̱ i̱ Judas Barsabás có̱o̱ꞌ˜guɨ Silas la, jo̱ íbˋ nijmeáꞌˉ ꞌnʉ́ꞌˋ júuˆ quiáꞌˉ jaléꞌˋ e la cartɨˊ quiníˆnaꞌ na.
28Co̱ꞌ lají̱i̱ꞌ˜ e iing˜ Jmɨguíˋ quiáꞌˉ Fidiéeˇ jo̱guɨ jneaꞌˆ cajo̱ e nimɨ́ɨꞌ˜naaꞌ ꞌnʉ́ꞌˋ e joˋ nijméeˆguɨꞌ lají̱i̱ꞌ˜ e ta˜ huɨ̱́ꞌˋ e jiéꞌˋ do:
Hechos 15
Hechos 15:25-28