APOSEL 15:25-28

²⁵Kale aget maagup nuta bogo-nulup e, ‘Numi bubul Banabas so Fol so alop iyo waasi tebe anolan agin kuta, waalan-nilipta, numi Kamogim Yesus Krais imi weng uyo baga-e-bii-silip kale, felepmu kale, tinum iyo maak ulu imdalup alop iso ninggil daage bilip imi finang unin o,’ agan-bulup kale,

²⁷Judas so Sailas so alop iyo imdalup no-nilipta, suuk kon tem weng kaa dola-bulup koyo asok imi bon tem weng uyo ipmi bogobe no kelin o age-nulupta, imdalup no tilip ko.

²⁸Kale God imi Sinik Tambal so nuso nuyo aget fuguno-nulup e, weng kwiin tagang uyo kopmup umdii, bong fagaman-temip kale, felepmu kale, weng maagup uta kup bogobe-nulup e, ‘Ibo mufekmufek tinum tebe men amem imi aman duga-e-bilip min, isak min, tolop mam kamipmip kaanu min boyo unan-kalin ba e minte, sa dagamin ba no o,’ agan-bulup bomi sang uta kup bogobelum o agan-bulup kale, ibo kanumin kanumin kuguup boyo kupkalip umdii, felepman-temu ko. Nugumal ibo tambaliim kup bom-bilipta o,” age-nilipta, suuk kon umi weng uyo kam agelip ko.