Hechos 15:17-20

¹⁷En jatu jaska waya nawa xukuabu tibibu inun tsuabunda en Yavé Diosun kenayabun ea yukai jabun ea benatidubuki.

¹⁸Jaska bebunkidijaida en Yavé Dios janchakin jatu yubaidan, chanima en jatu axununbadiaii’, ikai ninkatan nuku kenexuniki— iwanan

¹⁹—Jaskawen taexun nun shinanunbun matu yuinun ninkakanwen. Judiobuman jatun shinan chakabu jenetan Jesús ikunwankin Dios chibainbu jaska nun judiobu nukun beya chibain nun jiwemis yunukin jatu bikawayamanankanwen.

²⁰Jakia badi ichapa ma jadi judiobu judiobuman mae tibi anuxun juindukunti tibitian jaska Moisin jatu kenexuni jatu yusin jatube beyamisbuwen taexun jau judiobuman judiobu jawaida jau bedabin dabeyamanunbun na besti nemakin jatu kenexunankanwen, eska besti jatu bextekinan. Yushin dami betsa kenwankin nami inanmisbu jau piyamanunbun inun, jabu ainyankinan, jaska Moisin jatu nemani jau chibanunbun inun, yuinaka tenexabu mawa jau piyamanun inun, yuinaka jimi jau ayamanunbun jaska besti jatu nemakin kenexun judiobuma dasibi anu bumanankanwen— jatu wa