5Maktum quilhtamacú a̠ma̠ko̠lh judíos chu xli̠hua̠k cristianos hua̠nti̠ ni̠ judíos luu lacxtum tali̠chuhuí̠nalh xlacata natata̠catzi̠y ma̠peksi̠naní̠n antá xalaní̠n xlacata pi̠ natapu̠tlakalé̠n y tla̠n nataliactalanchipay chíhuix.
6Pero acxni̠ Pablo y Bernabé tacátzi̠lh huata mejor tú tatláhualh tatzá̠lalh y táalh nac Listra xa̠hua nac Derbe xmunicipio Licaonia, xa̠hua nac lactzu̠ ca̠chiqui̠ní̠n hua̠ntu̠ antá lacatzuní̠n xtahuilá̠nalh.
7Antá xlacán lacaxtum taliakchuhuí̠nalh xtachuhuí̠n Jesús hua̠ntu̠ ma̠sta̠y laktáxtut.