Hechos 14:3-12

³Inchen treeg kuingucha, Pabloba, Bernabébabe truyu yana warøwa, Tiuswei wamwan chigucha chi kørig kuin kømø waminchibelø køn. Inchen nui wamwan tru ka yandø tab indigwan treegwein kui ashchai, Señorbe nømui tasiimeratøga mariilø truba nørreelø marøb, kwaara asha kønrrai mariilø marøb inchai tranig køn.

⁴Inchen tru ciudayu misaamerabe kan utueløbe judíosmeraingatø køben, møiløbe Cristo nøashib karua øriilaingatø købig køn.

⁵Inchen judíosmera køben, judíos kømeelø køben, nømun ashib karub purrabeløba kandø misra, nømun trømbøig kaig inchib, sruutøga petønrrab kurrøben,

⁶Pabloba, Bernabébabe trunun wammøra Licaonia pirau tru Listraba, Derbeba, pueblomerasrømayba, katø tru puluwan katøganbalømerasrømayba trubab ambubelø køn.

⁷Incha trusrø tru tabig srø wamwan eshkab kusrenanøbelø køn.

⁸Inchen Listrasrømbe kan møg kal-lainukkurri managuen uñchab kaimabig srøbmera tulundzunig wabig køn.

⁹Inchabe tru møøbe Pablo waminchen mørøb wabig køn. Inchen Pablobe nun ke tab asha, ke tamarig kømuitamab isub wai ashabe,

¹⁰mur wamab trenchibig køn: —¡Ølgandø kurrab, pasramisr!— cha. Inchene tru møøbe pørsrappe, pasrambua, llirab mendabig køn.

¹¹Inchen misaamerabe Pablo chi marigwan ashippe, nømui Licaonia triimay trenchib trashib mendabelø køn: —¡Møguelø lataig, tiusmera namuinug kørrørruin køn!— chib.

¹²Incha Bernabéwane tius Zeus køn chippe, Pablone tius Hermes køn cha wamabelø køn, kaguende Tiuswei wamwan waminchibiibe Pablo køben.