42Jatian Pablo betan Bernabé, ja tsinkíti xobo meranoax moa pikókainbekonaitian, ja weikana judíobaon yokákana iki, wetsa tantiti neten ja joiboribi jato yoiribinon ixon.
43Ja tsinkíti xobo meranoax moa tsinkiti senenxon, icha judíobaon itan judío jikia Dios ikonhabaonribi, Pablo betan Bernabé chibankana iki. Jaskákanaitian Pablo betan Bernabékan jato esea iki, ja Diossen jato noixon kenaabo ikax, jaki koshii jenékantima.
44Jatian moa wetsa semananin tantiti nete nokóketian, ja jemameabo jatikaxbi ja non Ibon joi ninkati tsinkíkana iki.
45Ikaxbi icha jonibo tsinkita oinnax, ja judíobo notsiresi jakonmaibo yoyo ikana iki. Jatian Pablon jato joi yoiaitianribi, jaki shirokana iki.
46Jaskákanainbi jatoki rakéyamakin, Pablo betan Bernabékan jato neskáakin yoia iki: —Mato judíoboparikayara ike, non Diossen joi yoiti maxkáiraa; ikaxbi keenyamakin ja jatíbitian jati nete maton bikashamaa kopí, rama ja judíomaboiba kaxon non jato joi yoii kaai.
Hechos 13
Hechos 13:42-46