Hechos 12:19-23

¹⁹Sa yero Herode Pedrore maca dutimahye. Sa yero tiquiro surarare peresu cohteriquinare tiquiro sinituri bato tiquinare wejẽ dutiahye Herode pehe. Sa yero Herode Judeapʉ ijiriquiro waha, Cesareapʉ ijiro wahahye.

²⁰Sa yero Tiro wame tiri maca cjẽna mehna, Sidõ cjẽna mehna Herode pehe usuahye. Tiquiro sa usuagʉ̃ ihñañe ti macari cjẽna pehe Herode tiquina mehna tiquiro usuarire quehnoñe waha, tiquiro mehna yahuducuye wahahye. Sa ye tiquiro cahacjʉ̃nore Blasto wame tiriquirore piti tiahye tiquina. Sa ye tiquina Blasto yedohoro mehna Herode cahapʉ esahye. Tiquiro cahapʉ esa, ohõ saha niahye: —‍Mari quehnoano ijiihna. Mari basi ihña tuhtieracʉ̃hna, ni siniahye tiquina Herodere. Tiquina ya yehpa cjẽna Herode ya yehpapʉ ihyayere bocae tiahye. Sa ye Herode tiquinare ihña tuhtigʉ̃ cahmedahye tiquina.

²¹Sa yero Herode tiquiro queori decopʉ, pʉhtoro tiquiro sañañe suhti quehnoañe suhtire sañahye tiquiro. Sa yero tiquiro dujiropʉ dujitjiãno, masare yahuducu ihñoahye.

²²Tiquiro sa yahuducu ihñogʉ̃ tʉhoye masa pehe sañuducuahye: —‍Ahriquiro yahuducuriquiro masʉno ijierare. Cohãcjʉ̃ ijire, ni sañuducumahye tiquina Herodere.

²³Tiquina sa nigʉ̃ta Cohãcjʉ̃ yaquiro angel Herodere dohatiyere ohoahye. “Cohãcjʉ̃ ijieraja yʉhʉ”, ne niedahye Herode. Tiquiro sa niedari buhiri angel tiquirore dohatigʉ̃ yeahye. Tiquiro sa dohatigʉ̃ tiquirore becoa ihya wejẽ cãhye.