Hékmet toplighuchi 10:13-18

¹³Sözlirining béshi exmeqlik, ayighi rezil telwiliktur;

¹⁴emma exmeq yenila gepni köpeytidu. Biraq héchkim kelgüsini bilmeydu; uningdin kéyinki ishlarni kim uninggha éytalisun?

¹⁵Exmeqler japasi bilen özlirini upritidu; chünki ular hetta sheherge baridighan yolnimu bilmeydu.

¹⁶I zémin, padishahing bala bolsa, emirliring seherde ziyapet ötküzse, halinggha way!

¹⁷I zémin, padishahing mötiwerning oghli bolsa we emirliring keyp üchün emes, belki özini quwwetlesh üchün muwapiq waqtida ziyapet ötküzse, bu séning bexting!

¹⁸Hurunluqtin öyning torusi ghulay dep qalidu; qollarning boshluqidin öydin yamghur ötidu.