Gwa 9:6-14

⁶Wane chininitka, chiji rutskagata. Rugakajpatlu gitskagaya. Maygaletuygale sagajpatlu kajpa.

⁷Wane chinru, “Gajewa. Kawjetikwaka Silowega perkapinwa.” Silowe walenwa yokaakaluru, Yokanatkaluru. Giyagni wane ya. Rerkinawa. Getachri ginatka.

⁸Giyagni wa rumwastsitanune, ga wa muchikawa retanatjene wa maygaletu rixanatini, wane chinna, “¿Gi ge walekni wa tye, wa tuplajenatachri gagjijenatachri?”

⁹Pimrine wane china, “Walekni.” Ga wa pimrine wane china, “Gike, seyni wale pixka rixa.” Waleko wane china, “Gitakni.”

¹⁰Giyagni wane chinruna, “¿Gi pixpoko gimrekgaletatka?”

¹¹Rugita wale. Wane china, “Wa jeji Geso giwakatletachri, kamrujpatlu kajpa. Sagaygaletno. Wane chinno, ‘Gajewa. Silowega perkapinwa.’ Wane nya. Nerkinawa. Netatka.”

¹²Wane chinruna, “¿Ginaklu Wale?” Wale wane china, “Goo. Gi numata.”

¹³Gwariseyone yegi ranikluna maygaletunanu.

¹⁴Gapnanutikalurgognenwa Geso kamrujpatlu kajpa, rumrekgakakatkalu.