Gutut 15:16-20

¹⁶Mame ewap ne sia tauain, amba Devit toemu mega ta koeragamene, ne to bongamep inak munain. Pa sewa wabenagene, ne sia tuin.

¹⁷Ap tapena gapan, waenapan iravi, piup gapan, inanap tauain, Diu uoni ian ugupe nagirewa den tauain, iwa mu ne waenapan negawa gaset diamona menan.

¹⁸Ne ayop di, namu wadiaena evi taueta. God ap anega wan.”

¹⁹Ap menan, Diemis aigap sia wadiamon, “Ne anuingina mam, ian ugupe imumu God inap entanene nagirewa nu kaimakaet wat itan da ya munat.

²⁰Go manega ok inamup enu wadiamoit, ame nanimup god eboewa guewa kaitane ameme antaba irine god muga munapen ame tabaewa ya nap. Amba waen ge apan wainan gogo ya tap. Amba man mege wat imokaminewa ya nap. Amba deniwa da ya nap.