Godigo Nogi Ugwaba Sabo Tęąbi Po Wabo Buku Dabe 94:15-22

¹⁵Tama nosali bidi dabego po tų ebode, augwaligo sę dolo naga yaibao, tama dwagi yai doloba pai bidi augwaligo usu dao po weyu, te kolesaga wali paibao.

¹⁶Niwai bidigo ena tau selama, tama te dwai sę ebo bidi aiyaba elaluaibawe? Niwai bidigo ena tau selama, te dwai sę ebo bidi sela sąwaibawe?

¹⁷God agai ena tau sigi menigi sogo da, ena polobadu isai gų pagede polo pila mugi dao.

¹⁸Eno te homu yai, “Eno sągą kikila peyu, ena tula muaibao,” wai. Tiali goli, menio. Genuai Bidi nago ena godolo mu eyu, tama nago ena nogo tola selama, ena te dwai sęgę ebo digi tulalubeo.

¹⁹Tama eno homu sęgę yali sogo tama eno homu nai hauwa dali yai, nago eno homu dwagi yai eyu, tama nagame elama bidai, tama eno homu dwagi yai emainogo yai.

²⁰Te bomo yai po mubo bidi dabe augwaligo te we bidibolo augwaligo dwai sę emainao wai. Nago te tobage dwai sę ebo tobolu bidi dabe dali abagi homu ebo menio.

²¹Augwaligo dwagi yai sę ebo bidi dwai sęgo aga dolainogo sisinama, po mibo dao, tama augwaligo dwai sę isąwai bidi dabe dali po tų ebo dao, augwali elainogo tiwai.

²²Tiali goli, Genuai Bidi agai bomo mu elama, ena tau sai. Ena agaba pelama, eno God agai ena bugagia tonalubo dao.