33Tiali goli, te sogo me te Devit te eno wei mu elaludaibao. Tama eno aga me tagalogobeo, tama eno agade te dąų walali po mu me tagalogobeo.
34Tama eno aga dali te dąų walali bomai po te kontrak me tagalisiąma, tama eno te ena po deli me hasegeliyu me egobeo. Mu menio.”
35“Eno dąų walubo po te deli sogo naga weyu, tama eno ena digi tedali wiegi yai nogi nogilama weyu, te po dąų walali, tama te sesemane sogo me elalua pidu, elalua paibao. Eno te tama wai. Eno te tibo po Devitba me wagobeo wai.