Godigo Nogi Ugwaba Sabo Tęąbi Po Wabo Buku Dabe 85:8-13

⁸Eno te Genuai Bidi Godigo pusubo poba olo muani. Agai te wiegi yai nagame yai homu, me te da bugagia bidabo po wali, te dago polobadu yali dwai kolesagaba da ma begasa pisąbaso da te tama tiaibao wali.

⁹Mu tama, agai te agaba lotu weyu, agai homu wali pabo we bidi dabe ma sainu te sisi yalio. Tama agai da ma selama, tama aga digi da dali dago tǫde bidaibao.

¹⁰Te sogo da, te we bidi dabego te gasa bage wei mu elama, tama wiegi yai kolesaga augwaliba yaibao. Tama augwa dolasa bidiyu, tama haliga nagame elama, tama hodobo bugagia bidaibao.

¹¹Te tǫde te we bidi dabego te Genuai Bidi wali mu paibao, tama te dagalude Godigo augwali doloba pai pedalumainu ilaibao.

¹²Genuai Bidigo te da bugagia bidimainu tau saibao, tama dago ebo sę dabe te wiegi yai pedelaibao. Tama dago tǫde te nai hauwa walaibao.

¹³Genuai Bidigo te we bidigo doloba pai kolesaga wali pomainu elama, tama te tebogo te aga asabo sunumi dodolubo dao.