Godigo Nogi Ugwaba Sabo Tęąbi Po Wabo Buku Dabe 78:11-21

¹¹Augwaligo te agai yali sę dabe te homu kone gegeda pali, tama te bidigo isiąwai bomai sę agai te augwali gedude yai, te me augwaligo gegeda pali.

¹²Te wąį nǫų dabego gedude Godigo bomai sę me deli te Soan bulu, te Isip tǫ pedaide, yai dao.

¹³Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

¹⁴Te giligade aga te pǫdu polasa pali, tama hulide aga te sia ulade te augwali asobodu polasa pai.

¹⁵Agai te masigi tǫ bulude te masigiba elama, tama te wę aiyadu pedalumainu elama, te augwaligo tuali.

¹⁶Agai te masigide wę pedalumainu elama, tama wę te busidu soabo genuai wę tiwai soali.

¹⁷Tiali goli, augwaligo te Ugwade Mu Bidibo Godiba dwai sę yali, tama augwali te kemi tǫ bulude bidiyu, agaba hagoma yalio.

¹⁸Augwaligo God usu siyu, te tiwai yai. Augwaligo i bomonama agaba weyu, te augwaligo wei ebo nai agai momainu yai.

¹⁹Augwaligo te tiwai posobo po Godiba wali, “Godigo dabolo te tǫ wa pai bulude te nai hauwa mabo usu yaiba, agawe?

²⁰Mu tama, hasiabolo agai te genuai masigiba elibaso, tama te wę pedelali. Tiali goli, magi ebawe? Agai dabolo te bret meba me te tubo mi magowe?” wali.

²¹Tialima, Genuai Bidigo augwaligo po odolama, tama agai wado po wali. Agai te Jekopgo hani dabeba te sia tula palali. Tama agai wado po te genuai mu pedelalio.