Godigo Nogi Ugwaba Sabo Tęąbi Po Wabo Buku Dabe 45:5-8

⁵Te nago ene dabe te mu poa pelama, tama te boi bidi dabe mu eneyu ebo dao. Nago hwįyu, te gasa hani dabe aiyaba elaluama, tama augwali te nage dologode bidibao.

⁶Godigo nage te king nigilama, tama nage te king sesemane bidada peyu, bidada paibao. Nago te naga we bidi dabe te doloba pai kolesagade naga tonalubo dao.

⁷Nago te doloba pai kolesaga wei eyu, tama nago te dwai kolesaga te wei isiąyu, hagela mu ebo dao. Tama tibaso, naga Godigo digi, agai te nage sa muyu, tama agai nago nogi ugwaba mu muyu, tama nago nogi te gasa king dabego nogi aiyaba elalubo dao.

⁸Te nago gudubo bobage ugwade te wiegi yai denami ebo haniani nai, te sanda tiwai mea, me kasia te denami elalubao. Augwaligo te kingo be te haniani au ilibo naigo te au ilali, augwa te elefan kelego nigali, tama augwa te nage wiegi yai homu pemene ilibo musik weyu ebo dao.