Godigo Nogi Ugwaba Sabo Tęąbi Po Wabo Buku Dabe 38:16-21

¹⁶Eno te tama gedu haluasa po wali, “Nago te boi bidi dabego ena aiyaba elaluama, tede kęnę omainu me elamuo,” wali. “Te ena dwasianu tula mubo sogo, nago te augwali hagoma eyu, wiegi yai homu pemene emainu me igio,” wali.

¹⁷Magi baso meni, te pąde ena tulaluainu eyu, tama ena sesemane sogo dene ebo dao.

¹⁸Eno dwai sę yali po nageba pusali, tama ena yali sęgęde ena homu dene yai.

¹⁹Te eno boi bidi tigidaligo te bomo mu ebao. Te bidi hauwa umabogo te enaba odolali boi bidi ebao.

²⁰Eno dwagi yai kolesaga augwaliba ebadi, tiali goli augwaligo enaba dwai kolesaga wei ponoyu yai. Eno te wiegi yai kolesaga wali pobadi, tama tede augwaligo homu koneama, tama enade augwa boi bidi pedelali.

²¹Genuai Bidi, nago ena me tagaligio. Eno God, nage te enade digibulu me bidigio.