Godigo Nogi Ugwaba Sabo Tęąbi Po Wabo Buku Dabe 31:18-20

¹⁸Te bidi dabe augwaligo te hagoma eyu, te posobo po weyu ebo da, tama doloba pai bidi dabeba po dwai weyu ebo dao. Augwaligo tibo po naga wabo da. Nago augwali dolama, tama augwa pedauwali te mu pania somainu yao.

¹⁹Nago te nage dologode bidibo we bidi olo tau sabo wiegi yai kolesaga hauwa tolalubo dao. Nago te nageba konealubo homu dąų wabo we bidi bugagia tonalubo dao. Nago te augwali tau sabo te tigidali we bidi gedude umabo mu ebo dao.

²⁰Nago te konealubo homu dąų wabo bidi dabe te nage pąba geme dualubo dao, tama te augwali elainu te po mia sali bidi dabe, augwali usu me egobeo. Nago te nageba homu kęą pabo bidi dabe geme bugagia dualama, tama te boi bidi dabego tibo po kisilibo po wabogo te augwali aiyaba me elalugobeo.