Godigo Nogi Ugwaba Sabo Tęąbi Po Wabo Buku Dabe 20:3-7

³Agai te nago ofa tigidaliba homu koneama, tama agai te nago tigidali te siaba ulubo ofa te wei elama, godolo yao.

⁴Eno homugo Godigo te nago wei ebo nai tigidali momainu yao. Tama nago yainu homu yali sę tigidali te agai nage tau sobaso, tama nago te sę ebo usu yaibao.

⁵Tama nosali nago te hwįani aiyaba elalubaso da, teda dago nago te yalide wiegi yai homu pemene eyu, bomonama i waibao. Tama dago te homu koneama, tama dili buduama, tama dago dobuali balia po weyu, dena Godigo nogi ugwaba saibao. Dago homugo te Genuai Bidigo nago te gedu haluasa po wabo po tigidali odaibao. Te kingo te po wei ponani po wali.

⁶Megi da, eno koneanio, Genuai Bidigo ena tau sabo da, te king aga digi sa muani. Aga te aga wiegi yai tedali bulu dagalude bidibao, tama agai eno gedu haluasa po wabo odobo dao. Te agai bomode digi agai ena tau selama, tama eno hwįbo side te eno augwali aiyaba mu elalubo dao.

⁷Te meba hanigo hagoma eyu, te hwįbo karis dabeba homu muani, tama gasa hani mebago te augwa hos dabeba homu muani. Tiali goli, dago te dena God Genuai Bidiba, Godiba, konealubo homu dąų wabo dao.