Godigo Nogi Ugwaba Sabo Tęąbi Po Wabo Buku Dabe 119:56-61

⁵⁶Eno nago dwagi yai po tigidali wali painogo eyu, tama tego ena homu dwagi yai ilibo dao.

⁵⁷Genuai Bidi, nage mu nage enade usu yaibao. Eno nagebolo po dąų olama weyu, tama wai, eno nago bomai po tigidali wali paibao.

⁵⁸Eno nage bomonama hanalubao, nago ena homu dene eyu tau sao, magi baso meni, nago po dąų weyu tama wai.

⁵⁹Eno te ena bilibo kolesagade homugo kone palama, tama megi da, eno po nage dali dąų weyu, tama ena nago po wali paibao.

⁶⁰Eno tonalugobeo. Eno polo nago bomai po wali paibao.

⁶¹Te dwai bidigo usu sabo homugo ena paliyu, tama ena augwaligo kolesagaba oda sainogo ebao, tiali digi eno nago bomai po tagalobeo.