Godigo Nogi Ugwaba Sabo Tęąbi Po Wabo Buku Dabe 119:167-174

¹⁶⁷Eno nago bomai po dabe wai pabo dao. Eno te bomo yai po dabe wali pabo homu godolo ebo dao.

¹⁶⁸Eno nago bomai po dabe tigidali, me te nago po tigidali me wali pabo dao, tama eno tama tebo kolesaga tigidali nago subo dao.

¹⁶⁹Genuai Bidi, eno nageba i wabo odama, te ena tau sao. Te wiegi yai homu kolesaga enaba mao, te nago polobadu enabolo po dąų wali tiwai gilama yao.

¹⁷⁰Eno gedu haluasa po waboba olo muao, tama nago polobadu po wali gilama ena ma sao.

¹⁷¹Te nago tigidali bomo yai po enaba bugagia ola mobaso, tama te eno nago nogi sesemane sogo ugaba mu saibao.

¹⁷²Te eno nago bomo yai po nogi ugaba sabo balia po waibao, magi baso meni, te nago bomo yai po tigidali te doloba pai naga elalubo dao.

¹⁷³Eno nago bomo yai po tigidali wali paibao, tama tiyu, nago ena sesemane sogo tau sabo sisi elaluao.

¹⁷⁴Genuai Bidi, eno haligago nagede gela obao, te nago ena ma sao. Nago bomo yai pogo ena homu pemene ilibo dao.