Garaxa 5:20-22

²⁰Ne ajte mỳjjao metĩndjwỳnh karõ nhipêxmã amijarẽnho ba. Ne ajte ta apỹnh mỳjja maro amiptàn arỳm amijo wajangao ba. Ne ajte kum me kurêo ba. Ne ajte axikôt kabẽn kêt ne abenã kabẽn ba. Ne ajte me õ mỳjja pro'ã ngryk ba. Ne ajte kute amijã ngryk nê kêt ne tu ngryk ba. Ne ajte kute amidjwỳnhbit markam amijo rax pytàro ba. Ne ajte kute amiwỳr meo akẽx prãmje aben bê me kurêo ba. Ne ajte apỹnh mỳj kukràdjàja'ã no tỳx ne kam mỳr jabej apỹnh me kwỳ djàri kôt bikprõnh ba. Me kute amidjwỳnhbito kĩnh prãmkam kute mỳjjao ba ne ja.

²¹Ne ajte te kute me uràk prãmje ngryk ba. Ne ajte aben paro ba. Ne ajte kadjwati kangôkam bibãnh ba. Ne ajte apỹnh mỳjja punukam aben tỳx jabejo ba. Be, apỹnh mỳjja kute ja pyràk rã'ã. Me kute amidjwỳnhbito kĩnh prãmkam kute mỳjjao ba ne ja. Dja Metĩndjwỳnh ĩ õ me ja kunĩo ba. Djãm kam kute me jao bamã? Me kute mỳjja jao ba, djãm kute meo bamã? Kati. Dja me ja wãnh me biknor tokry djàkam akuno. Tãm ne ba amrẽbê ar amã arẽn ajte jakam ar amã arẽ.

²²Nhym be, dja Metĩndjwỳnh Karõ ta ar ajo ba. Gar arỳm ô'ã amã me abê. Ne ajte akĩnhtire. Ne ajte adjumar mex. Ne ajte memã ano kator kêt ne amijamãr 'iry. Dja Karõ ta ar ajo ba gar ajte ô'ã memã aprĩ. Ne ajte anhõdjành. Ne ajte katàt Metĩndjwỳnh kabẽn man kôt ar amijo aban 'ã adjukanga kêt.