1A kum nat liklik, mot in ser mur a wasiso anun a kum tamtama mot ma a kum nanamot, una risan a Labino, uni i tokodos sur mot in pami lenra.
2A Buk Tabu i watungi lena, “Un ru o tamam ma o nam.” Iri a mugano warkurai ra a liliman i kis tomo nami.
3I watungi lena, “Ra un pami lenri, un dan, ma anum a nilaun in walos nin una rakrakon bual.”
4Mot a kum tamtaman a kum nat, gong mot usungun orosi kut a balandet. Mot in tamtamabat det ma mot in ulason det, ma mot in ususer det una nilaun anun a Labino.
5Mot a kum tene ititula, mot in mur a wasiso anun anumot a kum mugumugu taginin una rakrakon bual, ma mot in ngara ma mot in urur torom det. Mot in pami nama lingmulus unin balamot, elar nami ra mot mur a wasiso anun o Karisito.
6Gong mot muri kut anundet a wasiso ra det tama mot, sur mot in ugasgas tar det kut. Mot in papam elar nami ra mot a kum tene ititula anun o Karisito, ma mot in pam a pinapam ra o God i nemi, tomo nama anumot a nilaun rop.
7Mot in papam nama gasgas torom anumot a kum mugumugu, elar nami ra mot papam ut torom a Labino, ma awu sur torom a taro kut.
8Uni mot sa tasmani lena a Labino in pitar a ikul torom a taro rop una kum wakak na pinapam ra det pami, det a kum tene ititula ma det kai ra awu sur a kum tene ititula.
9Ma mot a kum mugumugu, mot in pami lenkutkai ra torom anumot a kum tene ititula. Gong mot ungara det, uni mot sa tasmani lena ara Labino kut kusapat una langit, anundeti ma anumot kai. Ma a wakak na magirano awu sur torom ara taro kut, torom a taro rop.
10Anung a kum ururop na wasiso i lenri: Mot in tur dekdek una labino dekdekin a Labino.
11Mot in emar rop pas nama kum ememar na inaim anun o God, sur mot in turbat a kum usobor anun o Satan.
12Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.
13I mo ra mot in emar nama kum ememar na inaim rop anun o God, sur mot in pet lar pasi sur mot in tur dekdek, ra a laulau na bung in nanpat. Ra mot sa waninar pas mot lenra, mot in tur dekdek.
14Mot in tur dekdek, mot in ker ukai mot nama lingmulus, elar nama let. Ma mot in emar nama tokodos na petutna, elar nama du pino aen ra a tene inaim i ubek bat a romrobono nami.
15Mot in waninar sur a inawan nama Wakak na Wasiso na malmal, elar nama tene inaim i pas pas aru su una aru kikino.
16Ra mot sa emar pas lenra, mot in utur ukai a nurnur kai, elar namin palang na umubek bat, sur mot in ubek bat mot gusun a kum kunkunabor na bele anun o Satan.
17Ma mot in nuk pasi ra o God i sa ulaun pas mot, elar nama tene inaim i ubek bat in lorino nama kukup na inaim. Ma mot in los pas in totok na inaim anun a Tokodos na Nion, i a wasiso anun o God.
18Mot in wararing nama dekdekin a Tokodos na Nion una kum bung rop, nama kum wur ngas na niaring rop. Mot in kis na waninar, ma mot in ser wararing sur a taro rop anun o God.
19Mot in wararing kai un iau, sur o God in pitar tar a kum wasiso tang sur an watungi, ma gong a ngara ra an upuaso a utna ra numugu i kis eno ma uniri a Wakak na Wasiso i upuaso i.
20Uni o God i sa ubek tar iau sur an tene warawai nama Wakak na Wasiso, ma a kis na karabus uni a pam a pinapam ri. Mot in wararing sur iau sur an dekdek sur an upuaso tar a Wakak na Wasiso torom a taro, ma kan ngara.
21O Tikikus, a wakak na tisindat ma a lingmulus na tene pinapam anun a Labino, in inanos mot una kum utna rop, sur mot in tasman asau ra a pami.
22I mo ra a tulu ru i torom mot, sur mot in tasman anumet a nilaun nin i pepetlai, ma sur in uragot mot.
23A malmal torom mot a kum tistising, ma a marmaris tomo nama nurnur, tan o God a Tamandat ma a Labino o Iesu Karisito.
24A marmaris torom det rop ra det nem anundat a Labino o Iesu Karisito nama marmaris ra ken rop.
